Dernaculheta es una pichona comuna a 350 m d’altituda, al còr de Corbièras-nautas e del país catar. Sas carrièras pintorescas e sos sèrres verdejants ne fan un agradiu lùòc de vida. La riquesa de la fauna e de la flòra d’aquesta part d’Aude an permés son classament Natura 2000. I poiretz admirar la supèrba cascada del Bairal e faire una pausa picnic al fresc, en riba de Torgan (airal de jòcs pels mainatges). La comuna a mes en plaça un vergièr conservatòri. Se venètz en junh o en julh, poiretz admirar la supèrba prada florida, que ramenta lo caractèr pastoral e montanhòl del territòri. Manquetz pas de passar la pòrta de la glèisa que vos serà dobèrta a la demanda (04.68.70.01.45).
Nom : Dernaculheta. Siá del nom gallo-roman Aternacum + collis (sèrre) ; siá de derna + collecta en ligason amb una conducha d’aiga.
• Escais : las faïnas
• Dire : Manjan tot çò que se culhís a Dernaculheta.