Lo vilatge d’Albàs se presenta coma un amfiteatre als ostals sarrats. Constituís un ensemble plan mineral dominat per unes ancians molins de vent.
Arrestatz-vos al sinclinal, vertadièr caprici de la natura. Aprèp un picnic en riba d’un estanhòl solombrat, descobrissètz la passejada del geològue e sas plancardas tematicas. Aprèp aver passat lo luòc-dit Sant-Roma (granja), arribaretz a la partença d’un camin sus la dreita, tampat d’una barradissa. A pè, prenètz aqueste camin sus mens de 100 m. Descobriretz un bastiment vièlh en roïnas del sègle 13, qu’èra probable un local fortificat de resèrvas. Prenètz apuèi la rota de Vilaroja de Termenés. Sètz sul site de Forcas, dins l’Espaci Natural Sensible Sant-Roma Fenolhièras, proprietat del Departament d’Aude.
• Nom : del latin, albus = blanc ; occitan : alba (sause) + collectiu -arias
• Estatjants : los albassencs
• Dire : - Qui va a Albàs, s'entorna pas. - L'alh d'Albàs vos remontarà lo moral.