Lo castèl de Vilaroja de Termenés s’ancòra al còr d’aqueste vilatjòt de Corbièras situit dins lo cròs d’un valon de las tèrras rogejantas. Sas muralhas e sas torres merletadas ne fan la representacion ideala del castèl medieval.
Lo vilatge se descobrís a pè. I descobriretz un ostal ornat d’un blason. Es l’ostal de Luc Simeon Auguste Dagobèrt de Fontanilha. Eròi de la Revolucion, aqueste general de brigada èra l’associat de Palhós de Cascastèl per l’expleitacion de las minas de fèrre de Corbièras.
Cal pas tanpauc mancar lo retaule restaurat dins la glèisa Sant Estève e la rostissariá medievala que vos prepausa plats dels sègles 13 e 14 de tastar en tenguda del temps. Partètz puèi suls passes de Belibasta en seguissent la passejada balisada Bâtons la campagne.
• Nom : Vilaroja de Termenés. De Villa : ostal, bòrda, e de la vcolor roja (villa Rubea en 1107)
• Dire : - A Vilaroja, acaban jamai de sopar.