Al jonhent de las vals d’Alson e d’Orbiu, se trapa lo vilatge de la Grassa, sèti d’una remarcabla abadiá benedictina que coneguèt una granda prosperitat e un brave dardalh intellectual. L’abadiá serà dividida e venduda en 1792. Prenètz lo temps de visitar l’ensemble per descobrir un repertòri arquitectural e iconografic que pòrta testimòni dels amainatjaments successius de l’Edat mejana al sègle 18. Un pont del sègle 12 religa la zòna de l’abadiá amb lo vilatge medieval que se trapa en riba dreita d’Orbiu. Traparetz lo mercat cobèrt, signe de l’activitat mercanda de la ciutat, e al còr del vilatge, la glèisa parroquiala Sant-Miquèl. Empruntatz las carrièras per descobrir los produits del terrador e l’artesanat d’art. Caminatz long de las sendas pedèstras entre pinedas e ausinas.
• Nom : grassa designa de bons tèrras.
• Escais : los calculaires ; los grata-papièrs.
• Dire : - A La Grassa, manjan de pan d'escrassa. - A La Grassa, plan grassa son las aucas.
Classement & labels
- Plus Beaux Village de France
