Botenac es un polit vilatge viticòl de 730 estatjants, compausat de maites escarts (Gasparets, Vilamajor, Santa-Lucia) e de nombroses domènis. Es lo sèti del Tuc Botenac coma de l’AOC Corbièras. Es atal lo luòc ideal per descobrir e tastar los nectars qu’acompanharàn totes vòstres plats. Descobriretz un tresaur de 1080 ectars dins lo bòsc domanial, que lo monde dison « la pineda ». Doas sendas d’escorreguda a trepar e tanben unes percorses de VTT. Al còr d’aqueste escrinh a las sentors de pin e de romanin, la capèla Sant-Simeon (1895), sa bauma e sa procession annadièra cada primièr dimars d’agost ; puèi, al còr de las vinhas de l’escart de Gasparets, la glèisa Sant-Martin, una jòia d’art roman classada e renovada. Enfins, al dintre del vilatge de Botenac, la glèisa de Sant-Mamès (del sègle 12).
• Estatjants : los botenacòts, los botenagòls, los botenaqueses, los botenajòls
• Escais : los botaires
• Dire : - A Botenac, i a 'n tondut am'un pelat e l'autre fait en prèssa.