Entre La Grassa e Fabresan, susmontat pel Mont Alaric, Ribauta se trapa dins la val d’Orbiu e a dos passes de las fraus de Congost. Landratz per carrièras d’aqueste ancian castrum medieval e rejonhètz lo supèrbe pont qu’encamba Orbiu. En seguissent la ribièra, descobriretz sas cascadas e lo plan d’aiga de Fargas. Poiretz visitar la glèisa romana del sègle 12, dedicada a Sant Sebastian e anciana dependéncia de La Grassa. Enfins, tastatz son vin en AOP Corbièras, produit de las vinhas que s’espompisson suls penjals d’Alaric e suls costals de la Bada.
• Nom : Riba + auta
• Estatjants : los ribautencs
• Escais : los malaisits
• Dire : - A Ribauta, lo cuol i sauta. - A Ribauta, manjaràs totjorn ribon-ribanha.