Montbrun de las Corbièras ven del mot latin Montem que designa lo mont e de l’occitan Brun que ramenta la color de las tèrras. Montbrun es doncas lo luòc de la montanha roja. Al mitan de las vinhas, traparetz Nòstra-Dama del Colombièr. Aquesta capèla es un luòc de pelegrinatge plan frequentat lo diluns de Pascas e lo 8 de setmbre. Seriá estada bastida per un senhor copable d’aver fait manjar per sos gosses son quite paire que tornava de las crosadas, desconeissable, e qu’aviá pres per un paure gus.
• Nom : Montbrun de las Corbièras. De la color bruna de sa tèrra.
• Estatjants : los montbrunencs
• Escais : los antònis ; los tònis.
• Dire : - Castèlnau, Escalas e Montbrun es tot un. - A Montbrun, lo cafè es negre.