Lo vilatge vièlh es bastit sus un esperon rocassut « lo ròc del castèl naut », en riba de So. S’i trapa la glèisa dedicada a Sant-Cir e Santa-Julieta, glèisa que ten la particularitat d’èsser bastida dirèctament sul ròc : se pòt véser darrèr l’autar los afloraments rocassoses. Lo pont-pòrtaiga del sègle 19 qu’encamba So alimentava en aiga una fabrica de pipas de bruga. Sas carrièras pintorescas e sos sèrres verdejants ne fan un agradiu luòc de vida. La riquesa de la fauna e de la flòra d’aquesta part d’Aude an permés lo classament en Natura 2000.
-Mercat setmanièr los divendres de ser (17h-20h), defòra de junh a setembre.
Lo demai de l’an, un divendres sus dos dins lo fogal bèl.
• Nom : La Roca de Fan.
• Estatjants : los rocatins
• Dire : - A la fièra de La Ròca, i a mai d'un ase parion. - La Ròca país de misèra que Davejan vos negariá de gran ! - A La Ròca de Fan, fan freginat amb de ròcas.