A Fabresan, los òrts comunals ribejan los cais d’Orbiu. Lo domnhon del sègle 12, marcat als Monuments istorics, velha sus aqueste polit vilatge estacant. Al bestorn de las carrieretas, maitas plaças solombradas : plaça de la Republica e son mercat setmanièr del divendres ; plaça Charles-Cros, l’enfant del país, inventor de la fotografia entre autres. Visitatz son musèu a la comuna. La capèla de Nòstra-Dama-de-Consolacion domina lo vinhal e ofrís un panoramà supèrbe. Un airal de campingcar se trapa dins un encastre calme e natural, a 300 m del centre de la localitat. Orbiu es un riu que son nom vendriá d’Aur-blau en occitan : en Corbièras, l’aiga es una ressorsa plan preciosa.
• Mercat setmanièr cada divendres matin d’abril a octobre.
• Nom : del gallo-roman Fabrius + sufix -anum.
• Estatjants : los fabresanencs, los fabresanòts
• Escais : los manja-piòts
• Dire : - A Fabresan, son pas de carruts : trabahan que per far d'escuts.